tg-me.com/HHa19789/767
Last Update:
#تراث
الحسين عَبّد درب التضحيات وصار بنهضته قبلةٌ للأبات
من مثل چبدك چبد ضامي انفطر
من ظماه او بالتواريخ إنذكر
منهو يحسين انذكر مثلك ظماه
او ياهو مثلك راسه كطعوه من كفاه
او ياهو مثلك غرگو جسمه ابدماه
او ياهو مثلك صدره سحگوه والظهر
منهو مثلك ضحه للدين النفس
او منهو يحسين إبألم ديـنـه يـحس
مثلك اواضح مثل نور الشمس
وانت شمس الحگ یبن فارس مظر
موقفك واضح يبو اليمه او صريح
من دعيت المنهج الهادي الصحيح
ابساحة المذبح يبو اليمه تصيح
ابصوت فتت حتى يحسين الصخر
انچان دین المصطفى ابدمي يتم
آنه فدوه او دين ابو الزهــره المهم
او عدنه عنك صار مفهوم او علم
انت أعظم من فده الدين او ظهر
قدمت نفسك وخوتك يا شهيد
فدوه بس ايعيش دين الله المجيد
حطمت عرش الطغاة او من يزيد
خيبت ظنه او صرح جوره انكسر
انت ابرز من ظهر ضد الظلم
وانت اعظم من سحگ راس الخصم
إهنا يمن دمك جره ابشهر الحرم
بالطفوف او ما رعوا سيد البشر
صار دمك معول لعرش الطغات
او عبدت يحسين درب التضحيات
واصبحت قبلة مشاهير الأبات
والمشه ابنهجك لصوب الحگ عبر
تمت الجمعة ١٩/ رجب/١٤٢٣هـ
الشاعر المرحوم الخطيب
السيد جاسم الطويرجاوي
(253)
#اللهم_عجل_لوليك_الفرج
BY تراث القصائد الحسينية
Share with your friend now:
tg-me.com/HHa19789/767